Չինական Մեծ Պատը անօդաչու թռչող սարքերի օգնությամբ կվերականգնեն

Մշակութային ժառանգության պահպանման չինական հիմնադրամը անօդաչու թռչող սարքեր կօգտագործի Չինական մեծ պատի վերականգնման համար, հաղորդում է «ՌԻԱ Նովոստին»` վկայակոչելով Travel and Leisure-ին:

Չինական Մեծ Պատը որոշ վայրերում անցնում է վտանգավոր ժայռային հատվածներով, որոնք մատչելի չեն մարդկանց համար, ինչը բարդացնում է վերանորոգման աշխատանքները:

Այս կապակցությամբ Մշակութային ժառանգության պահպանման չինական հիմնադրամը վթարային հատվածների վիճակի եռաչափ վերլուծության համար որոշել է անօդաչու սարքերի օգնությանը դիմել: