ՔՈԱՖ ՍՄԱՐԹ կենտրոնին հարկավոր է չինարենի մասնագետ

«Հայաստանի մանուկներ» բարեգործական հիմնադրամը (COAF) փնտրում է համապատասխան կրթությամբ և աշխատանքային փորձով մասնագետների՝ հիմնադրամի ՔՈԱՖ ՍՄԱՐԹ կենտրոնի թիմին միանալու համար:

Վայր՝ ՀՀ Լոռու մարզի Դեբետ համայնք

Դիմումների սկիզբ՝ 2019թ․ հոկտեմբերի 8

Դիմումների վերջնաժամկետ՝ 2019թ․ հոկտեմեբերի 28 (օրվա ավարտ)

Կապ հաստատել jobs@coafkids.org / 098682003

ՄԱՍՆԱՎՈՐ ԳՈՐԾԱՌՈՒՅԹՆԵՐԸ

ներառում, բայց չեն սահմանափակվում հետևյալով.

Պլանավորել և մատուցել դասերը՝ շեշտադրելով լսողական, գրավոր, խոսակցական և ընթերցելու հմտությունների համաչափ զարգացումը։
Ըստ պահանջի վերանայել ամենօրյա ուսումնական պլանը, դասի պլանը, ուսումնական նյութերը, վարժությունները և թեստերը։
Գնահատել ուսանողների առաջադրանքները և քննությունները։ Մասնակիցներին տեղեկացնել դասապրոցեսի պահանջների, գնահատման մեխանիզմների և հաճախության պահանջների մասին։
Մշակել և ձգտել յուրաքանչյուր մասնակցի անհատական ուսումնական նպատակների իրականացմանը։
Օգտագործել դասապրոցեսի արդյունավետ կազմակերպման տարբեր տեխնիկաներ։
Ներդնել նոր մեթոդներ, նորարարական տեխնիկաներ, որոնք նպաստում են մասնակիցների աշխատաշուկա և համալսարան ընդունելությանը։
Աջակցել մասնակիցների ակադեմիական տարբեր պահանջները բավարարող լրացուցիչ ուսումնական նյութերի պատրաստման հարցում։
Արդյունավետ աշխատել բազմաբնույթ խմբերում, կարողանալ ձևավորել մտածողների, ստեղծարարների, գաղափարները զարգացնողների և իրականացնողների խմբեր։
Նպաստել անվտանգ, ստեղծարար և երևակայությունը խթանող աշխատանքային և ուսումնական միջավայրի ստեղծմանը։

Հավանական թեկնածուն պետք է լինի հետևյալ գաղափարների կրողը.

Երեխաները և մեծահասակները ոչ միայն սովորողի և լավ թիմակցի, այլ նաև կրթական գործընթացում ուսուցանողի դերում կարող են լինել թե՛ իրենց հասակակիցների, թե՛ դասավանդողների համար
Բոլորը առանց բացառության արժանի են հարգանքի և ոչ խտրական վերաբերմունքի
Հայաստանի գյուղական համայնքներում կա հզոր ներուժ անհատի անձնական և մասնագիտական զարգացման համար։ԱՆՀՐԱԺԵՇՏ ՀՄՏՈՒԹՅՈՒՆՆԵՐ ԵՎ ՈՐԱԿՆԵՐ

Բարձրագույն կրթություն և աշխատանքային փորձ լեզվաբանության մեջ
Չինարենի (մանդարին) գերազանց իմացություն
Կրթության ոլորտում փորձը և երեխաների հետ աշխատելու կարողությունը կդիտվի որպես առավելություն
Գերազանց հաղորդակցության և հանրային խոսքի հմտություններ
Հայերենի պարտադիր իմացություն, անգլերեն և ռուսերեն լեզուների իմացությունը ցանկալի է
Պատասխանատվության բարձր զգացում և գերազանց կազմակերպչական հմտություններ
Ծանրաբեռնված գրաֆիկում արդյունավետ աշխատելու հմտություն
Թիմում արդյունավետ աշխատելու հմտություն
Նորագույն տեխնոլոգիաներից օգվտվելու հմտություններ
Շարունակական կրթության գաղափարի կրող լինելը՝ որպես պարտադիր հատկություն

ԴԻՄԵԼՈՒ ԳՈՐԾԸՆԹԱՑ

Հետաքրքրված թեկնածուները կարող են ուղարկել իրենց ինքնակենսագրությունը (CV) և ուղեկցող նամակը (Cover Letter) հետևյալ էլեկտրոնային հասցեին՝ jobs@coafkids.org: Էլեկտրոնային նամակի վերնագրում խնդրում ենք նշել թափուր ծառայության անվանումը՝ «ՔՈԱՖ ՍՄԱՐԹ կենտրոնի չինարենի (մանդարին) ծրագրավար»։ Հիմնադրամի աշխատակիցը կկապվի միայն նախնական ընտրություն անցած թեկնածուների հետ:

Հիմնադրամի մասին

«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: Հիմնադրամի համակողմանի ծրագրային մոդելի իրագործումը սկսվել է 2004թ., և այդ ժամանակից ի վեր իրականացվում են կրթական, առողջապահական, սոցիալական և տնտեսական ծրագրեր, ինչպես նաև հիմնանորոգվում են համայնքների համար կենսական նշանակություն ունեցող ենթակառուցվածքները: Այս ծրագրերի շահառուներն են Հայաստանի Արմավիրի, Արագածոտնի, Լոռու, Գեղարքունիքի, Շիրակի և Տավուշի մարզերի 51 համայնքների քավելի քան 75,000 բնակիչները:

2015թ. սկսած՝ ՔՈԱՖ-ը մշակել և իրագործում է նոր տեսլական՝ ՍՄԱՐԹ նախաձեռնություն: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: ՍՄԱՐԹ-ը կդառնա զարգացման օրինակելի մոդել և կկրկնօրինակվի Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել է 2018 թ. մայիսի 27-ին՝ ծառայելու մարզի շուրջ 150 հազար բնակիչներին։