ՀՀ ԱԳ նախարարի տեղակալը ընդունել է Դենգ Բոցինին

ԵՐԵՎԱՆ,ԴԵԿՏԵՄԲԵՐ 3 ,ՉԻՆԱՍՏԱՆՆ ԱՅՍՕՐ:    Դեկտեմբերի 1-ին ՀՀ ԱԳ նախարարի տեղակալ Ավետ Ադոնցն ընդունեց Չինաստանի միջազգային զարգացման համագործակցության պետական գործակալության նախագահի տեղակալ  Դենգ Բոցինին (Deng Boqing):

Հանդիպման ընթացքում կողմերը քննարկեցին ՉԺՀ կառավարության կողմից Հայաստանում իրականացվող անհատույց տեխնիկատնտեսական օգնության (դրամաշնորհային) ծրագրերին առնչվող հարցեր:

ՀՀ ԱԳ նախարարի տեղակալը նշել է, որ ՉԺՀ կառավարության կողմից իրականացված անհատույց օգնության ծրագրերը զգալի դեր են ունեցել Հայաստանի մի շարք ոլորտների կարողությունների զարգացման և արդիականացման համար, այդ թվում՝ վերջին տարիներին հանրային տրանսպորտի և առողջապահության բնագավառներում: