Հարցվածների 42%-ը վստահում է Չինաստանին

ԵՐԵՎԱՆ,ՄԱՐՏ 9,ՉԻՆԱՍՏԱՆՆ ԱՅՍՕՐ:    Գերտերությունների արտաքին քաղաքականության հանդեպ աշխարհի գնահատականը հասկանալու համար «Գելլափ»-ը անցած տարեվերջին իրականացրել է իր հերթական ամենամյա հարցումը։ Այն կատարվել է աշխարհի 44 երկրում, 44.000 չափահաս մարդկանց շրջանում։
Հայաստանում Ռուսատանի գործոնից զատ 42 տոկոսով վստահում են նաև Չինաստանի դերին։
Հայ հանրության 21 տոկոսի գնահատմամբ ԱՄՆ-ի արտաքին քաղաքականությունը ունի կայունացնող դեր, իսկ 62 տոկոսը հակառակ կարծիքի է։ Հարևան Վրաստանը, սակայն, ԱՄՆ-ի կայունացնող դերին ամենաշատը վստահողների շարքում է՝ 72 տոկոս։ ԱՄՆ արտաքին քաղաքականությունից դժգոհ են հատկապես Թուրքիայում և Հորդանանում (77 տոկոս), Իսպանիա (75 տոկոս), Իրաք (74 տոկոս)։