Հրանտը բարի Սանտա է.Տոն Չանը Հրանտ Թոխատյանի մասին

 ԵՐԵՎԱՆ, ՀՈՒՆՎԱՐ 16, ՉԻՆԱՍՏԱՆՆ ԱՅՍՕՐ:  Նախորդ գրառումներից մեկում պատմել էինք ռուս-չինական համատեղ ֆիլմի մասին,որտեղ գլխավոր դերը խաղում է չինացի 22-ամյա հայտնի դերասան Տոն Չանը: Ֆիլմում նկարահանվել է նաև ՀՀ ժողովրդական արտիստ Հրանտ Թոխատյանը:

 <<Չինաստանն Այսօր>> կայքի հիմնադիր Գոռ Սարգսյանին  հաջողվել է կարճ զրույց ունենալ գլխավոր դերակատար Տոն Չանի հետ

Խնդրում եմ պատմեք ռուս-չինական ֆիլմի մասին, որտեղ խաղում եք գլխավոր դերը

Առաջին հերթին շատ երջանիկ եմ,որ հնարավորություն ստացա դեր ստանալու  ռուս-չինական համատեղ նախագծում ՝ ստանձնելով <<Ինչպես ես դարձա ռուս>> ֆիլմի գլխավոր դերը. Ֆիլմում ես մարմնավորում եմ ռուս աղջկա սիրահարված Փենփենին:Երբ առաջին անգամ ստացա ֆիլմի սյուժեն ինձ դուր եկավ ֆիլմի անվանումը, այնուհետև հասկացա, որ ֆիլմում անելում եմ բաներ,որ երբեք չեմ արել և դա հիմնական շարժառիթն էր. Ըստ սցենարի պետք է շրջեի ձնագնացով, լինեի ռուսական շոգեբաղնիքում, մերկ վազեի ձների մեջ, մասնակցեի արջերի որսի և այլն: Ես անմիջապես համաձայնվեցի գլխավոր դերի համար,քանի որ դժվար է մի ֆիլմում այսքան արկածների մասնակցել:  Իհարկե , հիմա պետք է խոստովանեմ, որ ռուսական ձմեռը սառնաշունչ է,իմ ձեռքերը սառում էին,ցուրտ էր նկարահանումների   ժամանակ,սակայն ռուսական անձնակազմը ինձ օգնեց հաղթահարել այդ շրջանը: Վերջերս Պեկինում կայացավ ֆիլմի պրեմիերան և ստացավ ներկաների բարձր գնահատականը,վստահ եմ այն դուր կգա հադիսատեսին. Հուսով եմ,որ ֆիլմը դիտելուց հետո ռուսները կցանկանան այցելել Չինաստան, իսկ չինացիները անպայման կայցելեն Ռուսաստան:

 Ին՞չ կասեք արտասահմանցի գործընկերների հետ համագործակցության մասին

Կարծում եմ որպես չինացի դերասան բավականին բարդ է աշխատելը արտասահմանցի դերասանների հետ,սակայն նաև ուսուցողական: Ես ինքս ավարտել եմ Չինաստանի Դրամատիկական կրթության ակադեմիան, որը հիմնված է Ստանիսլավսկու  դրամատուրգիայի սիստեմի վրա:Այս փորձառությունս ինձ շատ օգնեց ռուս գործըկների հետ աշխատանքում: Հուսով եմ,որ ապագայում չինացի դերասանները ավելի շատ կաշխատեն արտասահմանցի գործընկերների հետ:

 Ֆիլմում Ձեր գործընկերներից մեկը հայ է, ՀՀ ժողովրդական արտիստ Հրանտ Թոխատյանը

 Այո, ոսուցիչ Հրանտը,շատ ջերմ և հոգատար մարդ: Ամեն անգամ ինձ տեսնելիս ոգևորում էր, նկարահանումների ընթացքում սուրճ և թեյ առաջարկում:Հրանտը միշտ նկատում էր,որ ես սառել եմ: Երբ ես շփոթվում էի ռուսերեն նոր բառեր արտաբերելիս ,նա կատակով պատմում էր,որ երիտասարդ տարիքում նույնպես ունեցել է նման խնդիր անգլերենի հետ: Կարծում եմ, որ նա նման է բարի Սանտայի և միշտ հաճույքով կհամագործակցեմ նրա հետ: Հուսանք ես մոտ ապագայում կրկին կհանդիպեմ նրան:

 Ին՞չ գիտեք Հայաստանի մասին

Հայաստանի մասին շատ եմ լսել, նայել եմ նկարներ համացանցում,այն իսկապես գեղեցիկ է: Ես վստահ եմ,որ բոլոր հայերը Հրանտի նման ուրախ և ընկերասեր են: Հուսաով եմ,որ մի օր կկարողանամ այցելել Հայաստան և վայելել ջերմությունն ու հարգանքը:

 Մենք Ձեզ հրավիրում ենք Հայաստան

Շնորհակալություն:Երբ հնարավորություն լինի անպայման կընդունեմ ձեր հրավերը և կայցելեմ գեղեցիկ Հայաստան